January 16, 2015

Меркел: Путин нема да биде поканет на средбата на Г-7 во Баварија

Filed under: свет — Tags: , — @ 10:34 am

Нема шанси рускиот претседател Владимир Путин да биде поканет на средбата на лидерите од Г-7, изјави германската канцеларка Ангела Меркел, која ќе биде домаќин на средбата во јуни во Баварија.

„Г-7 и поранешната група Г-8 отсекогаш се сметале за заедница, основана на вредности. Анексијата на Крим, која беше нарушување на принципите на меѓународното право, како и настаните во Источна Украина, ги поткопуваат сериозно тие вредности. Затоа, нема шанси засега Путин да биде поканет на средбата на врвот на Г-7 во Баварија во јуни“, истакна канцеларката.

Таа ја повтори позицијата дека Европа не може да разгледува укинување на санкциите против Русија, додека не бидат отстранети причините за нивно наложување.

No Comments

No comments yet.

RSS feed for comments on this post.

Sorry, the comment form is closed at this time.

Powered by WordPress