Од Центарот за управување со кризи (ЦУК) информираа дека во текот на денешниот ден имало вкупно 12 пожари на отворено од кои шест се активни, три под контрола, а три се изгаснати.
Активни се пожарите на планината Мукос меѓу селата Степанци, Оморани и Ораов Дол каде гори мешана шума и во селото Долно Јаболчиште кон планинскиот масив Лисец во Општина Чашка каде гори ниска вегетација.
Активни пожари има и во Општина Долнени меѓу селата Десово и Дреновци, и во Општина Прилеп меѓу селата Пештани, Кокре и Кален, каде е опожарена ниска вегетација.
Гори и во Општина Штип меѓу селата Хаџи Хамзали, Едеклерци и Топлик, кај полигонот Криволак, како и меѓу селата Студеничани-Моране во Општина Студеничани.
Под контрола се пожарите кај селото Дурфулија во Општина Лозово, кај селото Острец во Општина Битола и кај селото Србиново кон Железна рака во Општина Гостивар.
Фото: ЦУК