Албанија попушти. Фреди Белери (52), поранешниот градоначалник на Химара, преставник на грчката заедница, поради кој земјата се скара со Грција, денеска е пуштен од затвор.
Тој како што пренесуваат албанските медиуми добил условно ослободување. До крајот на отслужување на казната имаше уште шест недели.
Белери доби двегодишна затворска казна поради обвинување за купување гласови на последните локални избори во Албанија, на кои доби нов мандат како градоначалник, а во меѓувреме стана и европратеник како кандидат на владејачката грчка партија Нова Демократија.
Тој се уште нема дадено заклетва за нов градоначалнички мандат.
Случајот ги влоши односите помеѓу двете земји, а Грција се закани дека истиот ќе влијае на европскиот пат на Албанија.
ПОВРЗАНИ ВЕСТИ
Фреди Белери кој ги скара Грција и Албанија од затвор стана европратеник
Фото: Фејсбук/Белери