Македонската делегација предводена од премиерот Христијан Мицкоски вчера во Дубаи, Обединетите Арапски Емирати (ОАЕ) имаше средба со претседателот и раководството на Стопанската комора на Дубаи, Султан бин Саид ал Мансури.
За средбата информираа и од Стопанската комора на Дубаи од каде меѓудругото споделија информација дека моментално во Дубаи има 52 македонски компании.
Пет од нив станале членки на Комората во првиот квартал од годинава.
Според податоци на Комората трговијата без нафта меѓу Дубаи и Македонија лани достигнала вредност од 52,2 милиони долари.
Македонија таму извезува електроника, облека, возила, машини, овошје и зеленчук.
Од Дубаи пак во Македонија се извезува електроника, медицински инструменти, играчки, спортска опрема, вештачки влакна, парфеми и козметика.
ПОВРЗАНИ ВЕСТИ
(Видео+фото) Со кој се сретна Мицкоски во Обединетите Арапски Емирати
Во македонската делегација се и министер за транспорт Александар Николоски, министерот за надворешни работи и надворешна трговија Тимчо Муцунски, генералниот секретар на Влада, Игор Јанушев, директорот на Дирекцијата за ТИРЗ, Гоце Димовски, националниот координатор за туризам, Аккан Махмут и претставници на неколку државни институции.
ПОВРЗАНИ ВЕСТИ
На покана на Шеикот, делегација предводена од Мицкоски во посета на Обединети Арапски Емирати
Фото: Влада