Меѓу 100. највлијателни личности во светот за годинава, според најновиот избор на американскиот магазин „Тајм“ се најде и Македонката Светлана Мојсов, светски познат научник, пренесе Независен.
Нејзиното истражување за хормоналните предизвикувачи за производство на инсулин доведе до револуционерни третмани за дијабетес и дебелина.
Мојсов е ќерка на македонскиот државник и дипломат Лазар Мојсов, а започна да истражува за дијабетесот на Универзитетот Рокфелер, како студент и постдокторски соработник во лабораторијата на нобеловецот Брус Мерифилд.
Таа се најде во овој престижен избор заедно со уште двајца научници, Џоел Хабенер и Ден Дракер, во сегментот „Пионери“, меѓу други влијателни личности како Америка Ферера, Лесли Локо, Офелија Дал, Кенеди Одеде и други.
Фото: Универзитетот Рокфелер