Министерството за здравство информираше дека нема промени во бројот на хоспитализирани повредени лица од пожарот во Кочани.
Во Скопје вкупно се лекуваат 16 повредени и се во добра општа состојба. Од нив по шест се во старата Градска болница и ГОБ 8 Септември, а четворица во клинички центар.
„На Клиника за токсикологија во последните 24 часа се примени 4 пациенти од странство и по направените токсиколошки анализи се пуштени на домашно лекување. Сите се во добра општа состојба.
Во текот на вчерашниот ден кај двајца пациенти од Солун има одредено подобрување и се екстубирани, од интензивна нега се преместени на оддел за пластична хирургија.
Кај останатите пациенти состојбата е непроменета од вчера. За денес нема најава за враќање други пациенти од странство,“ се вели во соопштението.
Фото: МЗ