Од опозициската СДСМ информираа дека на Фејсбук е креиран лажен профил на нивниот лидер, Венко Филипче.
За истиот се злоупотребени името, податоци и фотографии на Филипче.
-Од истиот лажен профил се шират несоодветни и лажни содржини, повици за членски книшки, повици за измислено здравствено осигурување, а граѓаните се насочуваат на приватни пораки.
Ги повикуваме граѓаните и членовите да не наседнуваат и да не споделуваат никакви лични податоци кои можат да им бидат злоупотребени од страна на измамниците кои го креирале.
Разликата помеѓу официјалниот профил на претседателот на СДСМ и лажниот може да се препознае најлесно преку синиот беџ за ферификација којшто постои само на официјалниот профил на д-р Венко Филипче.
Лажниот профил е веќе пријавен и очекуваме брза реакција за негово бришење, велат од таму.
Фото: СДСМ