Маж загина во пожар во неговата куќа на улицата „Љубен Весов“ бр. 54 во Велес.
И покрај интервенцијата на Територијалната противпожарна единица која по дојавата за пожарот во куќата излегла веднаш на лице место со две противпожарни возила и пет пожарникари спасители, не успеала да го спаси сопственикот на куќата.
Како што информираат од ТППР Велес, по пристигнување на лице место, пожарот бил затекнат во развиена фаза во една просторија каде што било пронајдено и безживотното тело на сопственикот на опожарената куќа.
Во 19.40 часот бил повикана лекарска екипа од Брза помош, која констатирала смрт кај лицето.
Фото: Општина Велес
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.