Од Јавното обвинителство информираа дека маж од Демир Капија преку интернет ширел коментари полни со омраза, кои би можеле да ја загрозат безбедноста кон припадниците на ЛГБТИ заедницата.
Поради тоа, бил пријавен, а од Основното јавно обвинителство Кавадарци реагирале по пријавата.
„По спроведена претходна постапка, јавен обвинител од Основното јавно обвинителство Кавадарци поднесе Обвинителен предлог против жител на Демир Капија за кривично дело – Ширење расистички и ксенофобичен материјал по пат на компјутерски систем од член 394-г став 1 од Кривичниот законик“, се вели во соопштението на Обвинителството.
Обвинетиот, преку коментари на социјални мрежи, објавени под вест на еден веб портал во јули 2023 година, поттикнувал омраза спрема ЛГБТИ заедницата како припадници на маргинализирана група врз основа на сексуална ориентација.
Делото било пријавено од здружение кое ги застапува правата на припадниците на ЛГБТИ заедницата.
Важно известување
Посети ја новата страница