Маж од Форино изгризан до смрт од животни

Повозрасен жител на гостиварското село Форино е пронајден мртов со рани нанесени од животни во близина на добиточната фарма во атарот на селото, информираа од МВР.

Од СВР Тетово велат дека телото го пронашол неговиот син Р.Е. (48) вчера попладне во близина на штала која ја користел.

Според пријавата, Џ.Е. (83) бил паднат на земја и имал повеќе рани по телото, најверојатно нанесени од животни.

„Од страна на лекар од Итната медицинска помош констатирана била смрт. Извршен бил увид од јавен обвинител и увидна екипа од ОВР Гостивар, а по насоки од јавен обвинител телото на починатиот било дадено за обдукција“, велат од СВР Тетово.