Македонската армија доби помош од 13 милиони од Советот на Европската Унија (ЕУ) во рамките на Европскиот мировен фонд, пренесе државната агенција МИА.
„Мерката за помош ќе ги зајакне капацитетите на Северна Македонија за нејзино учество во операциите и мисиите во рамки на заедничката безбедносна и одбранбена политика на ЕУ и другите меѓународни мисии“, се вели во соопштението на Советот на ЕУ.
Тоа, според Советот, ја одразува поврзаноста на ЕУ со земјава во областа на безбедноста и одбраната.
Европскиот мировен фонд за македонската армија ќе обезбеди технологии наменети за разузнавање, надзор, извидување, електронско војување и сигнално разузнавање, како и логистичка и инженерска опрема, но и комуникациски и информациски системи.
Фото: АРМ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.
Важно известување
Посети ја новата страница