Во периодот од 16 до 22. септември е пријавено едно починато лице од Тетово асоцирано со Ковид-19, стои во извештајот на Институтот за јавно здравје (ИЈЗ).
Лицето било на возраст над 65 години. Пред три години ја примило втората доза од вакцината против Ковид-19, било со регистрирани коморбидитети и е починато во болнички услови.
Минатата недела се регистрирани 64 случаи на Ковид-19, што е зголемување од 12,3 отсто во споредба со претходната седмица.
Најголем дел од новозаразените, или вкупно 42, се во Скопје, а најголема инциденца е регистрирана во Пехчево.
Новозаболените се од сите возрасни групи, а најголем дел на возраст над 60 години.
Фото: МЗ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.