На македонскиот премиер Христијан Мицкоски му нуделе поткуп за пругата кон Бугарија од Коридорот 8, откри тој денеска.
Понудата до него стигнала преку комуникациски канали изминатиот период, а од него се барало да даде согласност за тендерска документација.
Случајот го пријавил кај надлежните институции.
„За Коридорот 8, секцијата 3, пругата, врз мене имаше обид да ми биде понуден поткуп со којшто јас, како претседател на Владата, би потпишал прифаќање на оваа тендерска документација која што истекува на 17. септември и кажав дека сѐ додека сум јас претседател на Владата, овој тендер, којшто е тековен и завршува на 17. септември, нема да го прифатам“, рече Мицкоски.
Фото: Влада
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.