Обвинителството на почетокот на мај ќе почне со сослушување на повредени од пожарот во Кочани

Основното јавно обвинителство на почеток на следниот месец ќе почне со сослушување на повредени во пожарот во т.н. дискотека „Пулс“ во Кочани, во кој загинаа 62, а беа повредени 203 лица.

-Во зависност од здравствената состојба на повредените и останатите услови, според однапред утврдена динамика и распоред, Обвинителството навремено ќе ги извести сите засегнати лица за остварување на нивните права и за вклучување во постапката со нивно испитување.

Процесот на испитување на оштетените се предвидува да започне од почетокот на мај, за што ќе следи дополнително известување, имајќи го предвид големиот број оштетени и засегнати лица кои ќе бидат испитани, информираа од таму.

Дополнително, во моментов се прибавуваат сите контактни и адресни податоци за оштетените од настанот и семејствата на настраданите, како и за нивните полномошници во постапката.

ПОВРЗАНИ ВЕСТИ

Денеска се враќаат уште пет повредени во пожарот во Кочани од лекување од Србија, во странство остануваат 33

Фото: Игор Бансколиев