Утрово во 9:30 часот во вентилација на ресторан во скопскиот трговски центар Ист Гејт изби пожар.
Вработените во трговскиот беа евакуирани, по што пожарот беше локализиран.
Во локализирањето учествуваа пет пожарникарни возила со 15 пожарникари.
За пожарот се огласија и од Ист Гејт, од каде информираа дека техничките служби на трговскиот заедно со пожарникарските служби на терен го локализирале пожарот и навремено го спречиле неговото ширење.
-Согласно утврдените процедури на трговскиот центар за ваков тип на ситуации беа активирани системите за заштита од пожар и вработените во трговскиот центар беа евакуирани.
Како резултат на навремената реакција на службите нема повредени лица, ниту е причинета голема материјална штета.
Настанот се случи во време кога трговскиот центар се уште не е оперативен и нема посетители, информираа од таму.
Засега нема официјални информации за причината за пожарот, а по увидот трговскиот продолжи со работа, освен делот за брза храна.
Фото: Ист Гејт