По трагедијата во Кочани во Собранието изгласана забрана за употреба на пиротехника во затворен простор

По трагедијата во Кочани доцна синоќа во македонското Собранието беше изгласана забрана за употреба на пиротехника во затворен простор.

За измените на Законот за прекршоци против јавниот ред, во чиј склоп е оваа забрана, донесени по брза постапка, „за“ гласаа 83 пратеници, а еден беше „против“.

Со измените се предвидува двојно зголемување на прекршочните глоби, а повторен прекршок носи и притвор.

Полицијата исто така ќе има зголемени надлежности за превенција на нарушувања на јавниот ред.