Првото бебе во 2024 година се роди на Универзитетската Клиника за гинекологија и акушерство (ГАК) во Скопје во 00.00 часот.
„Породувањето беше извршено по природен пат. Бебето е од машки пол, тешко е 3.760 грама, долго е 52 сантиметар и е родено со Апгар 10/10.
Дежурната екипа на Универзитетската клиника за гинекологија и акушерство на чело со проф. д-р Горан Димитров ја породи 34-годишната родилка Наташа Стефковска од Скопје.
На новороденчето му посакуваме добро здравје и среќно детство. Во првите 15 минути од Новата Година на ГАК се родија три бебиња. Им посакуваме среќно и радосно детство,“ велат од ГАК.
Фото: МЗ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.