Министерката за образование и наука Весна Јаневска денеска изјави дека се укинува пролетниот распуст за основното и средното образование. На прашалникот на Министерство за образование и наука до наставниците, родителите и учениците, тие одговориле дека не сакаат пролетен распуст.
„Финалните одговори на родителите и повозрасните ученици покажаа дека не сакаат пролетен распуст и оваа година нема да има. Во одговорите наведуваа дека учениците губат од континуитет, дека помалите ученици нема кој да ги чува за време на тој распуст, дека едноставно тој распуст прави повеќе компликации одошто носи бенефити“, рече министерката, одговорајќи на новинарско прашање.
Во мај, за првпат учениците имаа пролетен распуст од 29 април до 6. мај.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.