Српскиот актер Милош Биковиќ нема да глуми во третата сезона во популарната серија „Белиот лотус“ на Ејч-Би-О, бидејќи продукцијата одлучи да не го ангажира поради бројните реакции дека Биковиќ ја поддржува руската агресија врз Украина.
Оваа одлука на продукцијата следува по острата реакција на украинскиот министер за надворешни работи, кој го праша Ејч-Би-О „дали е во ред да се работи со личност која поддржува геноцид и го прекршува меѓународното право?“
„Одлучивме да се разделиме со Милош Биковиќми и улогата ќе биде изменета,“ соопштија од Ејч-Би-О.
Биковиќ во соопштение до јавноста истакна дека „против него се води целна кампања, која низ надворешни влијанија создава сериозен преседан, фрлајќи сенка на суштината на уметничката слобода.“
„Резултат на таквиот наратив е триумф на бесмислицата и пораз на уметноста,“ се вели меѓудругото во реакцијата на Биковиќ.
Фото: Биковиќ/Фејсбук