На денешното рочиште за убиството на 14-годишната Вања Ѓорчевска од Скопје и 74-годишниот Панче Жежовски од Велес, сведочеше таткото на Ѓорчевска, обвинетиот Александар Ѓорчевски, кој одговараше на прашања на обвинителките Жаклина Кратевска-Јосифовска и Ана Стојковиќ-Димитровска од Основното јавно обвинителство, но не сакаше да одговара на прашања на првообвинетиот Љупчо Палевски Палчо, на кој само му рече дека првпат му бил посочен во полициска станица како монструм.
-Ниту ве знам, ниту ве познавам. Ниту, пак, знам некој што ве познава од втора рака, рече Ѓорчевски.
Палевски пак откако не доби одговор на прашањата, повтори дека Ѓорчевски е неправедно обвинет.
Следното рочиште е на 14. април. Тогаш треба да приврши испитувањето на Ѓорчевски со прашања од судијата, а процесот да продолжи со исказ на Палевски.
ПОВРЗАНИ ВЕСТИ