Анализата на пазарот на Агенцијата за аудио и аудиовизуелни медиумски услуги за 2023 година покажува дека четирите телевизии на државно ниво преку оператор на јавна електронска комуникациска мрежа (Компани 21-М, Шења, Клан и Сонце) и двете телевизии на државно ниво преку сателит (24 Вести и Наша ТВ) лани заедно оствариле загуба во износ од 112,6 милиони денари и тој резултат е најлош во периодот од 2018 година наваму.
-Најголема загуба прикажале ТВ Клан (загуба од 42,75 милиони денари) и ТВ 24 Вести (загуба од 35,98 милиони денари). Добивка, но незначителен износ, остварила само ТВ Шења.
ТВ 24 Вести, Наша ТВ и ТВ Сонце во секоја од последните шест години работеле со загуба, стои во анализата.
ПОВРЗАНИ ВЕСТИ
Алфа, Алсат М, Канал 5 и Сител лани со добивка, Телма со загуба
Колкави приходи имале лани Сител, Алфа, Телма, Канал 5 и Алсат М
МРТ лани со загуба од 131,7 милиони денари