Чешка одлучи да ги зголеми квотите за работници од Македонија, Босна и Херцеговина, Грузија и Молдавија и ги намали ограничувањата за Украинците, пренесуваат локалните медиуми.
Земјата планира да го зголеми бројот на работни визи за лица кои работат во земјоделството, прехранбената индустрија и шумарството од 1.500 на 2.500, а оваа промена се однесува за работници од Македонија, Босна и Херцеговина, Грузија и Молдавија.
Чешка нема доволно работници во земјоделството, особено за време на жетвата кога има од 8.000 до 10.000 непополнети позиции, градежната индустрија има недостиг од околу 60.000 работници, а транспортните фирми предупредуваат на дефицит од 25.000 до 28.000 професионални возачи во следната година.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.