Познати се сите членови на Советот за култура, стручно и советодавно тело на министерот за култура и туризам Зоран Љутков.
Дел од него се проф. д-р Ганка Цветанова, поранешна министерка за култура, проф. академик Вера Битракова Грозданова, проф. Атила Клинче, проф. Андријана Јаневска, оперскиот првенец Игор Дурловски, проф. Рефет Абази, проф. д-р Јован Донев, м-р Дејан Пројковски, проф. Антони Мазневски, Сузана Спасовска – пејач солист првенец, режисерот Сашко Мицевски и писателот Блаже Миневски.
Членовите на Советот се бираат од редот на истакнати уметници, стручни лица од областа на културата и лица од јавниот и општествениот живот.
Според Законот за култура, улогата на Советот е да му дава мислења на министерот за култура во врска со прашања од неговата законска надлежност.
Вчера беше одржана првата конститутивна седница на Советот, информираа од Министерството.
Фото: Министерство за култура и туризам