Поранешниот американски генерал Весли Кларк, кој го водеше бомбардирањето на Србија во 1999 година, стана почесен граѓанин на скопски Чаир.
Титулата од страна на градоначалникот на Општина Чаир, Висар Гану, му беше врачена синоќа во Албанскиот театар во Скопје.
Меѓу присутните беше и Изет Меџети, првиот заменик претседател на Владата и министер за животна средина и просторно планирање.
Во 1997 година Кларк стана врховен командант на Обединетите сили на НАТО за Европа, а на 23. март 1999 година од тогашниот генерален секретар на НАТО, Хавиер Солана ја доби наредбата за почеток на воена реакција „за геноцидот во Косово од поранешна Југославија“, без одобрение на Советот за безбедност на Обединетите Нации.
Фото: Општина Чаир/Гану
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.