Министерството за внатрешни работи (МВР) информираше дека 63-годишен битолчанец загинал на лице место откако со возило излетал од пат во битолско село.
– На 31.05.2024 година во 14.42 часот во СВР Битола било пријавено дека на земјен пат во атар на с.Кременица, битолско, Ж.Р. (63) од село Средно Егри, битолско, управувајќи патничко возило „форд“ со битолски регистарски ознаки, изгубил контрола и излетал од коловозот.
Од здобиените повреди возачот починал на местото на несреќата, а смрт била констатирана од лекар од Итната медицинска помош, соопштија денеска од полицијата, велат од МВР.
Извршен бил увид од јавен обвинител и увидна екипа од СВР Битола.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.