Од Министерството за здравство информираа дека е разрешена в.д. директорката на Универзитетската клиника за респираторни заболувања кај децата “Козле“ Скопје, Каролина Симоновска.
Нова директорка е проф. д-р Катерина Бошковска, која, како што велаат од Министерството, над дваесет години е дел од тимот на оваа установа.
Бошковска е супспецијалист по педијатриска пулмологија.
Разрешување на Симоновска минатата недела побара Лекарскиот колегиум на Клиниката, откако таа ѝ дала отказ на докторката Веселинка Митровска-Јосифова, ОРЛ-специјалист и бронхоскопист.
Од Колегиумот побараа да се стави крај, како што порачаа од таму, на нејзиното самоволие, нарушените човечки односи и порачаа дека таа ја дискредитира Клиниката.
Таа пак од медиумите побара да не го објавуваат нејзиното име, на што регираа здруженијата на новинарите, по што следеше и нејзиното разрешување.