Поради нерасчистени семејни односи 66-годишен жител на кумановското село Габреш денеска си ја убил сестрата и нејзиниот син, а другиот внук е ранет, информираа од СВР Куманово.
Убиената жена е на возраст од 63 години, а нејзиниот син имал 38 години.
Другиот внук, кој е пренесен во Општата болница во Куманово е на возраст од 36 години.
– Поради нерасчистени семејни односи денеска во 12.25 часот полициски службеници од СВР го лишиле од слобода Д.Ѓ. (66) затоа што во село Габреш, кумановско, поради нерасчистени имотно правни односи пукал од огнено оружје кон неговата сестра Д.Р. (63), и нејзините синови Ж.Р. (36) и Т.Р (38).
Итна медицинска помош констатирала смрт кај Д.Р. и Т.Р., додека Ж.Р. со повреди е пренесен во Општа болница Куманово, информираа од СВР Куманово.