Во Охрид вчера пристигна унгарскиот премиер Виктор Орбан, кој со церемонија беше пречекан од премиерот Христијан Мицкоски и речиси цела Влада.
Орбан дојде во Македонија со делегација од унгарската Влада, а денеска ќе се одржи заедничка меѓувладина седница во хотелот Инекс Олгица.
Мицкоски ќе оствари официјална тет а тет средба со Орбан во премиерската вила, по што ќе има заедничка прес конференција.
Предвидена е и прошетка низ Охрид, посета на црквата Богородица Перивлепта, Античкиот театар и манастирскиот комплекс Свети Наум, а свежо цвеќе премиерите на двете земји ќе положат на споменикот на Свети Кирил и Методиј во Охрид.
Фото/видео: Влада
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.