Синоќа во Скопје е опожарен билборд со Арбен Таравари, кандидат за претседател на коалицијата „Вреди“, која ја сочинуваат Беса, Алтернатива, Демократско движење и симпатизери на партијата на косовскиот премиер Албин Курти, Самоопределување.
Билбордот се наоѓа во близина на Зоолошката градина, а како што информираа од коалицијата тој горел само од едната страна. Од таму за инцидентот ја обвинија владејачката ДУИ.
-Би сакале да веруваме дека е несреќа, но билбордот од другата страна воопшто не беше допрен.
Се знае која партија има насилници и криминалци во своите редови, се знае која партија ја користи власта за да се збогати и да го плаши народот. Времето на страв заврши.
Оние кои палат билборди од гнев дека ги губат изборите, мора да бидат казнети од законот и правдата, но и од меѓународните набљудувачи, стои меѓудругото во реакцијата на коалицијата.
ПОВРЗАНИ ВЕСТИ
Тројца кандидати на странска политичка партија за парламентарните изборите
Видео: ТВ 21/фото: Таравари/Фејсбук