Вчеравечер избил пожар во магацин за производство на полиестер во селото Неготино, во Општина Врапчиште, кој се состои од три објекти, при што два се целосно изгорени, додека третиот магацин е делумно изгорен, соопшти Центарот за управување со кризи (ЦУК).
Територијалната противпожарна единица (ТППЕ) Гостивар од 00:45 часот интервенирала со 9 пожарникари и 3 противпожарни возила, а помош добиле и од ТППЕ Тетово со 4 пожарникари и 1 противпожарно возило со кои интервенирале до 4 часот.
„Итната медицинска помош од Гостивар известува дека еден пожарникар при интервенцијата паднал од скали и се здобил со повреди поради што е однесен во Ургентниот центар во Клиничката Болница во Гостивар. Пожарот е локализиран во 05:30 часот, но сè уште има жар и чад поради што ТППЕ Гостивар сеуште се на терен“, соопштија од ЦУК.
Причините за настанување на пожарот не се познати.
Фото/видео: ЦУК