(Видео) Моќна изведба на „Заветна“ на Андријана Јаневска и оркестарот на АРМ

Завчера во Македонската филхармонија се одржа предновогодишниот концерт во организација на Министерството за одбрана, Генералштабот и оркестарот на македонската Армијата.

Беа изведени и неколку македонски песни, а публиката без здив ја остави изведбата на неофицијалната химна на Македонија, „Заветна“, која ја испеа македонската пејачка Андријана Јаневска (во видеото изведбата е пред крајот на концертот – 2:00:00).

На концертот кој се одржа под мотото „Заедно посилни во хармонија на звуците“, свиреа и музичари од вооружените сили на Франција, Унгарија, Италија и САД.

Се свиреше музика на Жорж Бизе, Јоханес Брамс, Џорџ Гершвин и Џоакино Росини, а беа отпеани и бројни други македонски песни, како „Учи ме мајко, карај ме“, „Налеј, налеј“…

Фото: МО/Видео: МРТ/МО