Илјадници граѓани вечерва беа дел од протесниот марш во Скопје за трагедијата во Кочани, во која животот во т.н. дискотека го загубија 59, а беа повредени 203 лица.
Маршот започна со молк на плоштадот „Македонија“, а потоа продолжи пред македонското Собрание и Владата.
Граѓани палеа и свеќи на плоштадот.
Учесниците на протестот со аплауз ги поздравија лекарите, кога поминаа покрај Градската болница.
На протест повика граѓанското движење „Кој е следен?“, а граѓаните побараа транспарентна истрага, системски промени, правда и одговорност за трагедијата.
Денеска протестен марш имаше и во Тетово.
Фото/видео: Игор Бансколиев/Радио Моф
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.