Вчера во Солун беше пуштена првата линија од метрото кое се градеше 22 години.
Таа е долга 9,6 километри и се протега од новата железничка станица до Неа Елветија и вклучува два тунела и 13 станици. Патувањето трае 17 минути.
Продолжението на линијата до Каламарија, како што пренесуваат грчките медиуми, треба да биде отворено до крајот на следната година. Се планира мрежата да се прошири и на западните и северните области на Солун, а до 2040 година, метрото треба да оди и до меѓународниот аеродром.
Метрото е целосно автоматизирано и нема да има возачи.
Интересно е дека при изградбата на метрото се пронајдени над 300.000 артефакти, а дел од нив се изложени на станиците.
Тоа заедно со зголемување на трошоците, и бирократски пропусти, беше причината што доцнеше неговото отворање.
Цената на метрото досега достигна 3 милијарди евра за завршената прва линија и за поголемиот дел од втората линија.
Фото: ANA-MPAwebTV/Видео: Greek reporter