Руската затворска управа соопшти дека рускиот опозиционер и критичар на рускиот претседател Владимир Путин, Алексеј Навални починал во затвор.
Како што наведуваат службите, Навални после прошетка се почувствувал лошо и изгубил свест, а веднаш била повикана екипа на Итна медицинска помош.
„Беа направени сите потребни реанимации, но не дадоа позитивни резултати. Лекарите констатираа смрт, а причините се утврдуваат,“ се вели во соопштението.
Навални беше уапсен во 2021 година по враќањето од Германија, каде што се лекуваше од труење, кое според европските лаборатории било предизвикано од советскиот нервен отров, новичок.
Во март 2022 година, Навални доби деветгодишна затворска казна, која тој ја отфрли како политички мотивирано обвинение.
Фото: Навални/Фејсбук