Министерството за здравство информираше дека четворица повредени во пожарот во Кочани се враќаат од странство каде што се лекуваа и ќе бидат задржани под опсервација на Клиниката за пластична хирургија и Клиниката за хируршки болести „Св.Наум Охридски“.
Еден од повредените пристигнал во Македонија во тек на вчерашниот ден од Софија, Бугарија, двајца се враќаат денеска од Белград, Србија, а четвртиот треба да пристигне утре од Софија.
Во странските медицински центри ќе останат на лекување уште 11 повредени и тие се во стабилна состојба.
Од таму информираат и дека специјалисти од Клиниката за пластична хирургија повеќепати во неделата редовно одат во Општата болница Кочани и вршат преглед, преврски и тријажа на повредените.
Во третманот на повредените со изгореници се вклучени и специјалисти по физикална медицина и специјалисти од психијатрија.
Фото: МЗ