По вчерашното прегласување за парламентарните избори на седум избирачки места во Петта и Шестта изборна единица има само една промена.
Коалицијата „Вреди“ на албанските опозициски партии доби еден пратеник плус и сега има 14, а коалицијата предводена од ДУИ, „Европски фронт“ изгуби еден и сега има 18.
Нова пратеничка е Имрлије Салиу Фетаи, од Беса (која е дел од коалицијата „Вреди“), која доаѓа на местото на Фатмире Исаки, актуелна заменичка министер за надворешни работи, која е од ДПА, (која е дел од коалицијата „Европски фронт“) и сега оваа партија ќе остане само со еден пратеник – лидерот Мендух Тачи.
Промената се случи со прегласување на едно избирачко место, во селото Ларце, Општина Желино, во шестка.
Фото: Игор Бансколиев
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.