Од Центарот за управување со кризи (ЦУК) информираа дека денеска две лица загинале откако со возило излетале во провалија на Галичица.
Од таму велат дека возилото е лоцирано на место викано „Превој“ на Галичица.
-Возилото е паднато во провалија на околу 100 до 200 метри длабочина од регионалниот пат Трпејца – Преспа што води преку Националниот парк „Галичица“, информираа од ЦУК.
Екипа на СВР Охрид, планинската спасителна служба при Црвен крст Охрид се на терен и по направениот увид, продолжуваат со извлекување на настраданите и на возилото од провалијата.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.