Во сообраќајката која синоќа се случи на магистралниот пат Кичево-Гостивар, кај место викано „Сеферов бунар“, загинале маж и жена на возраст од по 38 години и маж на возраст од 64 години.
ПОВРЗАНИ ВЕСТИ
Три лица загинаа во сообраќајка на патот Кичево – Гостивар
Станува збор за 38-годишниот Х.Е. од Гостивар, кој управувал возило „опел“ со кичевски регистарски ознаки, едно од трите возила кои учестувале во сударот, кој починал на лице место и неговата сопатничка 38-годишната Б.Е. од Гостивар, која била пренесена во Медицинскиот центар Кичево, каде починала, а третиот починат е 64-годишниот З.Д. од Битола, кој упраувал со возило „мерцедес“ со кичевски регистарски ознаки, и починал на местото на несреќата, информираа од Министерството за внатрешни работи.
Нивните тела се дадени на обдукција.
Со третото возило, „форд“ со кичевски регистарски ознаки управувал А.Р. (63) од кичевското село Горно Страгомиште.
Тој се здобил со телесни повреди, како и неговата сопатничка А.А. (67) од кичевското село Колари.
Повреден е и сопатникот од возилото „мерцедес“, Д.С. (37) од Кичево и сопатниците од возилото „опел“- тројца малолетници од Гостивар, како и Р.Е. (60) од кичевското село Шутово.
Министерот за внатрешни работи, Панче Тошковски денеска информираше дека причината за несреќата била големата неприлагодена брзина од страна на еден од учесниците во сударот.
ПОВРЗАНИ ВЕСТИ
Детали од Обвинителството за сообраќајката на патот Кичево-Гостивар во која загинаа три лица
Фото: Унсплеш