Денеска во 17 часот повторно ќе се одржи протест кај булеварот “Партизански Одреди“, во Скопје на пешачкиот премин кај пекарата „Силбо“, откако таму на 29. јануари беше прегазена 22-годишната Форосина Кулакова од Неготино.
„Случајот со Фросина Кулакова не е изолиран, се повторуваат истите случаи на неконтролирано возење со години, се повторува неказнувањето и недолжното згаснување на животи. Фрустрирани од состојбите што не се менуваат, повикуваме на изразување на граѓански револт.
Системот ги отфрла децата и младите кои поради недоволна грижа го избираат погрешниот пат.“ велат меѓудругото организаторите.
Според нив, протестот има за цел да адресира три главни проблеми – нефункционалност на системот за заштита на децата и младите кои се во судир со законот, недоволна безбедност во градовите и глорификација на девијантно однесување.
ПОВРЗАНИ ВЕСТИ
„Kолоритност и убавина што ја зрачеше постојано“: Дизајнерите за Фросина Кулакова
(Видео) Граѓани и денеска палат свеќи за Фросина Кулакова и одаваат почит
(Видео+фото) Река од луѓе на протестот за Фросина Кулакова во Скопје