На денешната владина седница помина Договорот помеѓу Владата на Македонија и Владата на Обединетото Кралство.
Истиот како што информираа од Владата ќе се потпише во четврток во Лондон, а од таму во името на државата да го потпише договорот влада со влада, е овластен вицепремиерот и министер за транспорт, Александар Николоски.
Тој ќе ја предводи владина делегација во која ќе бидат и вицепремиерот и министер за животна средина, Изет Меџити, министерката за образование и наука, Весна Јаневска, директорот на ЈП за Железничка Инфраструктура, Синиша Ивановски и нивни соработници.
Како што е веќе познато, станува збор за Договор кој на Македонија меѓудругото ќе и овозможи инвестиции во инфраструктурата, здравството, железницата, енергетика, технологија…
Првите проекти од 6. милијарди евра заем, кои Македонија ќе ги добие од Обединетото Кралство се предвидени за проекти од транспортот и здравството.
Тоа ќе биде проектно финансирање.
ПОВРЗАНИ ВЕСТИ