Претседателот на Македонското лекарско друштво Горан Димитров изјави дека од јавното здравство, до 250 лекари годишно заминуваат во странство.
За три децении тројно е намален бројот на доктори, односно ако во почетокот на 90-те имало 18 илјади, сега има 6 илјади.
„Потребно е да се направи добра регионализација, да се обезбедат подобри услови за специјализација, за напредување, за брзо вработување и да имаат стипендии додека учат, “ додаде Димитров.
Заменик министерката за здравство Маја Манолева смета дека проблемот со иселување е на глобално ниво.
Според нејзе, за да останат лекарите во државата потребно е зголемување на бројот на специјализации, потребно е да се вложува во најмодерна опрема која што ќе овозможи светските методи да се работат и во нашата држава.
Фото: Унсплеш