Пред неколку дена беше опожарен угостителски објект на државниот правобранител Агрон Речи во Охрид, а пожарот предизвика и штета на Градскиот пазар.
ПОВРЗАНИ ВЕСТИ
Во Охрид опожарен угостителски објект на државниот правобранител Агрон Речи
Од Основното јавно обвинителство Охрид информираа дека пожарот го подметнале две лица.
За едното кое има 19 години и е од Скопје е отворена истражна постапка, бидејќи постои основано сомневање дека тој сторил кривично дело – Тешки дела против општата сигурност.
Од Обвинителството информираа дека на 10. март во раните утрински часови тие заедно отишле кај кафе бар на булеварот „Туристичка“ во центарот на Охрид и фрлиле запаливо средство во објектот.
Со тоа предизвикале пожар кој го зафатил и го оштетил кафе барот, внатрешноста и надворешноста од деловната зграда на ЈП Градски пазар и околните објекти, каде што во тој момент живееле и престојувале луѓе, со што предизвикале значителна опасност за животот и телото на луѓето и поголема имотна штета.
За 19-годишникот Обвинителството побара и притвор.
ПОВРЗАНИ ВЕСТИ
Каков имот пријавил Агрон Речи, државниот правобранител чии угостителски објект беше опожарен