Забраната за македонското знаме на „Австралија опен“ била ненамерен пропуст, информираат од Министерството за надворешни работи (МНР).
ПОВРЗАНИ ВЕСТИ
(Фото) Македонското знаме на „црната листа“ на „Австралија опен“?
Од таму велат дека по добиените информации за пропустот поврзан со македонското знаме на тенискиот турнир „Австралија Опен“, МНР, преку амбасадата во Канбера, реагирала до Министерството за надворешни работи и трговија на Австралија, како и до организаторот на турнирт.
-Оттаму добивме уверување дека се работи за ненамерен пропуст – техничка грешка, која е веднаш исправена и која не предизвикала ефективни ограничувања.
Беше испратено длабоко извинување и уверување дека инцидентот нема да влијае врз силните врски помеѓу граѓаните на Австралија и Северна Македонија, кои се карактеризираат со пријателство и љубов кон спортот, велат од МНР
Организаторот појаснил дека согласно важечките правила, на трибините за време на натпреварите на турнирот дозволено е да се веат само знамиња на учесниците на натпреварот.
-Воедно добивме и потврда дека за време на учеството на нашата натпреварувачка Лина Ѓорчевска, официјалното знаме на земјава било присутно на трибините меѓу гледачите без никакви ограничувања, велат од МНР.