На 86 години вчера почина Анка Гиева, легендата на македонскиот изворен мелос.
Нејзиното семејството соопшти дека починала на вчера, а ќе биде погребана денеска на Градските гробишта Бутел во Скопје.
Ќе ја паметиме по бројните изведби на антологиски македонски народни песни.
Гиева е родена во Скопје, а својата кариера ја започнала во Македонскиот народен театар (МНТ), а потоа работела и во Државниот ансамбл за народни песни и игри „Танец“.
Во стуидот на Радио Скопје ги сними антологиските народни песни, меѓу кои и „Ајде слушај, слушај калеш бре Анѓо“, „Пилето ми пее рано на сабајле“, „Елено, ќерко, Елено“, „Крај Вардара седеше“, „Да сум бистра вода”, „Отвори ми бело Ленче” и други.
Пред две години беше одликувана со Медал за заслуги од претседателот Стево Пендаровски.
Одликувањето е за големиот придонес во негувањето, популаризацијата и во зачувувањето на македонската народна и изворна песна, како и за промоција и за афирмација на македонското музичко творештво и на културата во интернационални рамки.
Фото: МРТ