За прв пат во историјата на неврохирургијата во Македонија е направена awake brain surgery, операција на мозок со свесен пациент.
Операцијата е направена кај млада пациентка која имала тумор блиску до центрите за говор и движење на десната рака и нога.
„Предноста на аwake brain surgery е поради неопходната соработка која хирургот ја има со пациентот додека трае операцијата.
За да се отстрани максимална количина на тумор без да се оштетат центрите за говор и движење хирургот комуницира со пациентот. Мозочното ткиво не содржи рецептори за болка, па самиот тек на операцијата е безболен.
Кај нашата млада пациентка операцијата помина одлично. Туморот е изваден до максималните можни граници и пациентката се осеќа добро.
Им честитам на тимот анестезиолози предводен од д-р Весна Дурнев и упатувам благодарност до колегата д-р Игор Лазиќ од Клиниката за неврохирургија во Белград. Драго ми е што моите млади колеги имаа голем интерес и желба да бидат повторно мој верен тим во операционата сала“, информираше на Фејсбук неврохирургот и поранешен министер за здравство, Венко Филипче.
Фото: Филипче/Фејсбук