Претседателот на Комисијата за прашања на изборите и именувањата, Ѓорѓија Сајкоски, денеска информираше дека досега на вкупно 29 поранешни пратеници, собраниската Комисија им го прифатила барањето за апанажа, а поднесени се и други барања кои се разгледуваат.
Право на апанажа имаат 57 пратеници од претходниот собраниски состав.
Законскиот рок за поднесување на барање за апанажа истекува на 28. јуни, односно 30 дена по верификација на мандатите на новите пратеници.
Месечната плата на пратеник во македонското Собрание изнесува 74 илјади денари.
Апанажата е во висина на платата и ја исплаќа Собранието.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.