Поради сознанието дека живите суштества настануваат од јајца, луѓето уште во минатото му придале магиска улога на јајцето. Се обидувале на свој начин да го оправдаат настанувањето и постоењето и на необјаснивото за нив.
Затоа и се вапцуваат јајца за големиот христијански празник, Велигден, Воскресение Христово.
На Велики четврток се вапцуваат првите три јајца. Првото јајце е посветено на Бога, второто на домаќинот на куќата и третото за бериќет и среќа. Тогаш не смее да се вапсуваат други јајца.
Порано се бојадисувале само црвени јајца, а се верува дека овој обичај потекнува од Марија Магдалена, која според Библијата, однела јајца обоени во црвена боја пред тогашниот римски цар Тибериј кога се дознало дека Исус Христос Воскреснал.
На Велика Сабота навечер се оди во црква, околу полноќ се кружи околу црквата, а потоа се кршат вапцаните јајца.
Оваа црковна традиција потекнува од првиот век по Христа, односно тоа се практикувало уште во времето на светите апостоли – Христови ученици и нивните наследници.
Велигденското јајце е старо колку и христијанството и црквата го прифатила во својата традиција и практика како симбол на Христовото воскресение.
Првите христијани и современици на апостолите почнале да бојадисуваат јајца и да ги подаруваат на Велигден, поздравувајќи се со радосниот поздрав: Христос воскресе!
ПОВРЗАНИ ВЕСТИ
(Видео) „Војна со ракети“ за Велигден на грчкиот остров Хиос
Македонија го празнува Велигден
(Фото) Уметнички јајца за Велигден поставени низ Штип
Фото: Игор Бансколиев