Излегувањето во ресторани и кафулиња стана луксуз: За една година цените на угостителските услуги пораснале за 9,8%

Цените на угостителските услуги во декември во споредба со ноември 2023 година, се зголемени за 0.5 %, соопшти Државниот завод за статистика.

Во периодот јануари – декември 2023 година, пак, во однос на истиот период од претходната година, цените пораснале за 9.8 %, додека во однос на декември 2022 година, се зголемени за 4.3 %.

Споредено по групи на услуги, зголемување е забележано во групата Храна за 0.5 % и Алкохолни пијалаци за 1.4 %.

Индексот на цените на угостителските услуги во декември 2023 година, во однос на истиот месец од претходната година, е зголемен за 6.5 %.

Фото: Унсплеш