Контролорите на летање го откажаа штрајкот најавен за на 25 и 31. декември, информираше денеска претседателот на Самостојниот синдикат на контролори на летање (ССКЛ), Александар Тасевски.
„Заклучивме да го откажаме штрајкот од неколку оперативни причини. Видовме дека со нашата активност доведуваме до тоа изборот на неопходниот оперативен кадар да биде пролонгиран и да не може да се изврши доколку продолжиме да инсистираме на 10 работни денови за конкурсот, а и понатаму стоиме на тоа дека треба да отпаднат тие двајца несуштински кандидати за вработување.
Имавме опција или целосно да се откажат сите вработувања или да прифатиме, односно да ја „проголтаме“ неисправноста од страна на директорите кои веројатно играле на таа карта за да немаме шанса за маневрирање,“ изјави Тасевски.
Фото: М-НАВ