Која е Бранка Славеска, која не е повеќе директорка на Тиквеш

Бранка Славеска спогодбено, поради лични причини, го прекина ангажманот да биде генерална директорка на винаријата Тиквеш АД Кавадарци.

ПОВРЗАНИ ВЕСТИ

Бранка Славеска не е повеќе директорка на Тиквеш, Светозар Јаневски ќе раководи со винаријата до избор на нов

Таа својата професионална кариера ќе ја продолжи во странство.

На функцијата дојде во јануари лани.

Која е Славеска

Зад себе има богатата меѓународна кариера со повеќе од 25-годишно работно искуство на менаџерски позициии, а во „Тиквеш“ дојде од позицијата на комерцијална директорка и член на Управниот одбор на „Диагео Италија“.

Својата кариера ја започнала во „Пивара Скопје“, а во периодот 2005-2006 година била комерцијална директорка на „Тиквеш“.

Работела за „Хајнекен“, извршувајќи менаџерски функции на повеќе различни пазари како Русија, Белорусија, Босна и Херцеговина и Хрватска, а била одговорна и за регионот на Југоисточна Европа, како и во „Лаваца“ како директорка за меѓународни пазари.

Дипломирала на Машинскиот факултет во Скопје и магистрирала менаџмент и бизнис администрација на Универзитот Шефилд.

ПОВРЗАНИ ВЕСТИ

Бранка Славеска е нов генерален директор на „Тиквеш“

Фото: Тиквеш